Myen hpyen dap kaw nna, hpyen shamu shamawt jahkring da ai ginra (5) hta aten ladaw jat ai lam ndau

Myen hpyen dap kaw nna, gap hkat jahkring da ai ginra (5) hpe August shata (31) du hkra shata (2) bai jat dat ai myen hpyen dap kaw nna ndau ai lam lam chye lu ai.

Myen hpyen dap shi htawn lit nga ai Salang tsun ai hta Myen hpyen dap kaw nna gap hkat jahkring tawn da ai shata (6) laman amyu sha laknak lang rawt malang Hpung ni hte mung masa bawngban ai lam matut galaw nga ai re majaw ya na zawn hpyen shamu shamawt ai ladaw hpe matut jat dat ai re lam ndau da ai hpe chye lu ai.

Mung shawa ni gaw gap hkat jahkring ai lam hpe ginra masat nna jahkring ai lam nre ai sha mungdan ting gap hkat jahkring ai lam galaw na matu ra sharawng nga ma ai lam chye lu ai.

Ndai gap hkat jahkring ai lam hta ya aten majan laja lana byin nga ai Rahkai ginra hta mung gasat gala majan shabyin ai lam ni hpe jahkring kau ya na matu Rahkai mung shawa ni kawn Myen mung gumsan magam hpang de tang shawn hpyi ndau da ai lam ni mung nga ai hpe chye lu ai.

Leave a Reply

Your email address will not be published. Required fields are marked *