Hka Hku Mung ginra na hpyen yen Mung shawa ni Lam amyu myu yak hkak nga

Hpyen majan a majaw Wunpawng Mungdan kata hpyen yen tsin yam hkrum ai Mung shawa Sen lam nga ai hta n kau mi gaw Pa ga de yen ai ni nga ai zawn n kau ni gaw hkrun lam yak ai ginra ni de hprawng yen nga ai re hpe chye lu ai. Hkrunlam yak hkak ai ginra de yen hkawm ai hpyen yen Mung shawa ni gaw hpa lam hta mung  grau yak hkak hkrum nga ai re nga nna hpyen yen Mung shawa  ni shana wa ai kaw na chye lu ai.

Hpyen yen dabang ni hpe garum ningtum jaw ai lam hte seng nna Pa ga de na hpyen yen dabang ni hkan gaw kalang ta mawdaw cycle ni hte sa nna sa du garum na matu loi nga ai raitim Hka Hku Mung ginra Ndup Yang hpyen yen dabang, Salang Yang hpyen yen dabang ni hkan gaw garum ningtum hpung ni sa du na matu hkrunlam ni mayak nga ai. Dai ginra na Mung mare masha ni Myo Pa ga de yu na matu Hka lam hku jak li hte hkawm sa ra ai. Grau nna gaw lanam ladaw du yang hka kaba ai  majaw jak li hkrun lam ni yak ai rai nna hkawm sa na matu yak hkak nga ai re hte jawngma ni a jawng lang arung arai jawng bu hpun palawng ni ra kadawn nga ai lam ginra masha langai tsun ai.

Hka Hku Mung ginra hte kaga hkrunlam yak hkak ai ginra na hpyen yen Mung shawa ni a hpaji lam, hkamja lam gaw kaga ginra  na hpyen yen dabang ni hte shingdaw yang grau yak hkak hkrum nga ai re hpe na chye lu ai. Nga shara dum nta gaw gap lam ni hta mung arung arai htaw shalai la na matu yak ai majaw hpyen yen Mung shawa ni byin mai ai hku ginsum gap rawng ai madang rai nga ma ai hpe mung chye lu ai.

Photo; Simsa Kasa

Leave a Reply

Your email address will not be published. Required fields are marked *