SGZ Kata na tsang (10) awng sai ramma ni hpe English hte Computer Training jaw

SGZ kata na 2019 ning hta tsang (10) awng la lu sai ramma ni hpe Lashio Ginwang rung kaw july (4) ya shani kaw nna English hte Computer training sharin ya nga sai lam chye lu ai.

SGZ ramma komiti kawn woi awn nhtawm tsang (10) awng da nna magam bungli galaw na matu hpaji sharin na matu yakhkak nga ai ramma ni hpe lam madun ai hku nna English hpe mung ningpawt ninghpang, listening, speaking, writing ni hpe madung dat sharin ai rai nna Karai Kasang a mungga  ni hpe mung aten masat nna sharin ai re lam SGZ ramma hpa-awn Madang Zau Doi Awng tsun ai.

Ramma ni mai kaja ai magam bungli lam shagu hta tinang hkum tinang chye myit mang hkra, masha wa tsun hpa n nga hkra tinang a madu myit jasat hte galaw chye na matu Personal Leadership Development hpe mung sharin ai re lam Sara matut tsun dan ai.

Ya na zawn ramma ni hpe ta gindun la nhtawm lam mahkrun hpaw ya ai hku nna sharin ya nga ai Sara Saranum ni gaw Lashio ginwang kata na sharin Sara ni re hte sharin hkamla nga ai ramma marai 23 rai nna Training hpe September shata du hkra sharin na re hpe mung chye lu ai.

Leave a Reply

Your email address will not be published. Required fields are marked *