Waimaw Ginwang Ka-Ni Nang Hpam Pat Jasan Ningmu Jahpaw Laning Mi Hpring Magum Bu Hpawng Galaw

Laning mi hpring Ka-ni nang hpam pat jasan ningmu jahpaw magum bu akyu hpyi hpawng hpe waimaw ginwang Hkalup hpung rung gawknu kaw  July shata (6) ya shana de (3:00) Pm aten galaw la lu sai lam na chye lu ai.

Waimaw Ginra kata na Waimaw Ginwang Hkalup hpung, Waimaw Jau ginwang, Ag DC-6 Waimaw ni Nawku hpung Ginwang masum kata hta nga ai mare buga shagu de ningmu jahpaw lu sai lam, kaga makam masham  Nawku hpung naku ni hpe mung ningmu jahpaw lu sai lam chye lu ai.

Mare kahtawng langai hpe 1 lang ningmu jahpaw bungli shang lu ai hte, Ka-ni nanghpam lu sha ai ni hpe gaw alang lang sharin shaga ai re. Magum bu hpawng hpe bungli num daw langai shangut ai rai nna, bawngban hpawng hta laning mi apnawng masing nga ai hte maren laning mi hpring ni hpe Steering kawna bungli hpe gan hkringsa (Break) ai lam ni bawngban ai lam ni galaw na re ngu Waimaw Ginra Pat Jasan komiti Amu madu tsun ai kaw  chye lu ai.

Laning mi hpring ningmu jahpaw magum bu hpawng lamang hta Ginra komiti, apnawng masha ni, Nawku hpung masha ni, Ginwang tsang na ningbaw ningla ni, buga hpung na ningbaw ni hte ginra amu madu ni yawng pawng masha marai (60) jan  sa du shang lawm ai re lam chye lu ai.

Leave a Reply

Your email address will not be published. Required fields are marked *