Laiza Muklum kata ka-ni nanghpam pat jasan hkoi tsai na matu jen jep nga

Laiza Muklum kata kaw Ginjaw Pat Jasan hpung kawn Muklum grup yin ka-ni namhpam hkoi tsai na matu jen jep ai hte ka-ni dut ginlen masha ai hpe rim ahkyak la nga ai lam na chye lu ai.

Muklum grup yin bungli shang ai hta Nam San Yang kaw na Laiza de shang wa ai shagyit kaw shang wa ai masha yawng hpe jit jep ai lam madung tawn galaw ai re. Jep la lu ai Mung masha ni hpe seng ang ai dawn dabang de sa nna aten ladaw hpring yang ga sadi ta masat htu nna dat ya ai lam chye lu ai. Lu rim ai masha ni hta Laiza muklum kata na Mung masha ni nau nlawm ai daram re. Malawng lu rim ai masha ni gaw Manmaw, Myitkyina, Danai maga na ni rai nna bungli masa amyu myu a majaw shang wa ai re hpe Ginjaw Pat jasan Dabang Up Dingsa Zau La tsun ai.               

Ka-ni lu sha nna jit jep Awng ai masha hpe sawng ai hte n sawng ai hta hkan nna yawng ya madang ndu ai masha ni hpe gaw shata 3 dawn jasan ya ai rai nna yin ya sawng ai ni hpe shata 6 dawn jasan ai re lam Dabang Up matut tsun dan ai.

Ya ten Laiza Muklum kata asak naw kaji ai ma ni ေကာ္ marawp ai lam ni nga ai re  hte ေကာ္ marawp ai lam hpe mu ai raitim ေကာ္ hpe gaw ka-ni nang hpam ngu masat da ai lam n nga ai majaw rim ahkyak la na matu mayak nga ai rai nna Ma ni a kanu ni kawn ေကာ္ marawp ai lam grai sawng wa ai majaw pat jasan dabang de sa ap da ai lam ni nga ai re hpe mung chye lu ai.

Leave a Reply

Your email address will not be published. Required fields are marked *