Pang (7) Diplopma Of Madical Professsion (DMP) Sarawun jawng yu hpawng lamang galaw

Wunpawng Mungdan Shanglawt Asuya Mungdan Hkamja Dap, Wunjat Gawknu kaw July 9 ya shani Pang (7) Diplopma Of Madicine Professsion (DMP) Sarawun jawng yu hpawng lamang galaw ai lam chye lu ai.

Diplopma Of Madical Professsion (DMP) Sarawun jawng yu ai jawngma yawng marai 55 rai nna 4 ning jan Miwa Gumsan Mungdan Pao Shan Tsi Dakkasu ni kaw tsi hpaji hkaja la ai hte dai ning 2019 ning hta ngut kre la lu ai lam Mungdan Hkamja Dap Ginjaw Rung Ningtau Amu Madu Du kaba Kadang Manau Tu Awng tsun ai.

Jawngyu sai jawngma ni hpe Mungdan a Ginwang Ginjaw shara shagu de magam bungli shatsam sa wa nna du ai shara hta tsi rung, tsi jaw gawk de hpa-awn ni tai wa sana re lam Du kaba katut tsun dan ai kaw na chye lu ai.

Hpawng lamang hta DMP Sarawun jawng yu sai jawngma ni hpe magam aming hti ya ai lam, jawngyu lekmat shagrau ya ai lam ni galaw ai hte DMP Sarawun nnan ni hpe KIC Ningtau Amu Madu Du kaba Gum San Seng kaw nna mung “magam gun ngu ai ni gaw mung shawa ni a ningshawng re majaw tinang du ai ginra hta kam hpa ging ai, ning shawng jaw lu ai, katsi kamang tai lu ai magam gun kaja ni byin tai wa hkra shakut shaja sa wa ga” nga nna sha tsam mungga jaw ya ai re.

Pang (7) Sarawun jawngyu ai jawngma ni gaw N0.1 lang ngu na DMP Sara wun tsi jawng madang hku tsi hpaji hpe sharin la lu ai rai nna No.2 lang hpe mung kade nna ai aten hta sharin sa wa na re hpe na chye lu ai.

Hpawng lamang hta Magam Dap, Makan Dap na Myitsu Du Salang ni, Sarawun jawngma ni, Asuya tsi magam gun ni, jawngma kanu kawa ni sa du shang lawm nna a ngwi apyaw awng dang ai hte galaw la lu sai hpe chye lu ai.

Leave a Reply

Your email address will not be published. Required fields are marked *