Ginjaw Ginra Ginwang Ginjaw Pati komiti a (13) lang na hkumra komiti zuphpawng galaw

Ginjaw Ginra Ginwang Ginjaw Pati Komiti ni a 13 lang na hkumra komiti zuphpawng hpe July shata (9) ya shani kaw na (12) ya shani du hkra Ginjaw Ginra Ginwang Ginjaw zuphpawng gawk nu kaw galaw nga ai lam chye lu ai.

“Ndai hkumra zuphpawng hta lai wa sai shaning hta dawdan da ai magam bungli ni hpe galaw ngut ai hte n galaw ngut shi ai magam bungli lam ni hpe sumtang tang ai lam ni galaw nhtawm 2019-2020 shaning na bungli masing ni hpe dawdan bawngban ai lam galaw ai re” nga nna Ginjaw Ginra  Ginwang Ginjaw Komiti Amu Madu Du kaba Labawng Gam Rip tsun ai kaw na chye lu ai.

Lai wa sai shaning ni hta hpyen yen dabang hta nga ai Mungchying Mung shawa ni galaw lu galaw sha na shara yakhkak hkrum ai lam ni hpe daw chyen mi lu garum ya nna dabang kata gawan gatsan lam ni dingyang galaw nga ai hpe ginjaw ginra Ginjaw ginra Ginwang Ginjaw Komiti Amu Madu tsun ai.

2019-2020 ning a bungli masing hta Mung shawa ni a galaw lu galaw sha na lam ni hpe madung tawn nna bawngban jahkrup sa wa na hte July shata 11 ya shani bawngban la lu ai lawnglam ni hpe shagrin sa wa na re lam matut tsun dan  ai.

Ginjaw Ginra Ginwang Ginjaw Pati komiti ni gaw Komiti a myit hkrum dawdan da ai hte maren tinang hpe lit jaw tawn da ai magam bungli ni hpe Mungchying Mung shawa ni hpe gahkin gumdin let  woi awn zinlum nna magam bungli ni hpe galaw sa wa na re hpe mung chye lu ai.

Leave a Reply

Your email address will not be published. Required fields are marked *