Church Based Theological Education (CBTE) Chyum sharin hpawng galaw

Hpun Lum Yang hpyen yen dabang kaw Church Based Theological Education (CBTE) Chyum sharin hpawng hpe Ebeneza nawku htingnu hta July 8 kaw nna 20 ya shani du hkra sharin hpawng galaw nga ai  lam chye lu ai.

“Hpun Lum Yang hpyen yen dabang  hta shanu nga ai Mung shawa ni hpe nawku hpung lam hta woi awn nga ai Hpungtau, Hpung Salang, Hpung magam gun  ni hku nna Chyum laika a lam hpe akri akai chye na lu na matu hte Chyum laika a yaw shada ai lam hpe atsawm sha chye hka ja lu na matu madung yaw shada nna n dai chyum laika sharin hpawng hpe galaw ai re” nga nna Hpun Lum Yang hpyen yen dabang amu madu Rev. Jaw Gun tsun ai.

CBTE chyum sharin hpawng hta sa du sharin ya ai Sara ni gaw Manmaw Ginwang CBTE Lithkam Sumlut Mun Awng, Komiti malawm Tangbau Yaw Han hte Rev. Lahpai Zau Nan ni re.

Ndai sharin hpawng gaw shawng nnan lang rai n htawm shaning shagu galaw sa wa na re hte (5) lang sharin hkam la ngut sai ni hpe Manmaw Ginwang kaw nna lak san Certificate shagrau jaw na hte Hpungtau Hpung Salang marai (20) jan sa du shrin hkam la ai re hpe chye lu ai.

 

Leave a Reply

Your email address will not be published. Required fields are marked *