Myen Hpyen Hpung Ni Miwa La Langai Hpe Adup Zingri Sat Kau Ai Shiga

Kachin Sub State, KIA Masat (36) Dap Dung makawp maga ginra,Kawng Shati mare kaw nga ai Miwa Shin Lau Fa hpe Myen  Hpyen Dap Dapnu (99) npu na dap mying nchye ai Myen hpyen hpung ni Nam Gat Kawng kaw adup sat kau da ai lam na chye lu ai.

September (8) ya shani asak si hkrum ai Miwa la Shin Lau Fa gaw shi a manang wa Shau Htung hte sinat hpai nna Dun Gaw Bum de namshan gyam hkawm ai shaloi Nam Gat mare Dingsa kaw nga ai Myen hpyen hpung ni hte hkrum ai majaw Shau Htung gaw hprawng lawt mat wa nna  Shin Lau Fa hpe Myen hpyen hpung ni Nam Gat Kawng de rim woi mat wa nna dai shara kaw adup zingri sat kau da ai lam shawnglam hpyen shi sawk ni shiga jaw la ai kaw na chye lu ai.

Leave a Reply

Your email address will not be published. Required fields are marked *