Myen Hpyen Ni Mung Shawa Ni Nga Ai Mare Grup Yin De Laknak Kaba Gap Bang

Hpakant, Nam Ya mare kaw nga ai Myen Hpyen Dap, Hk.M.Y (426) Dap ni Sabaw Maw makau grup yin de November (13) ya jahpawt manap hkying (1:20)Am aten daram hta  laknak kaba (10) jan lang gap bang ai lam buga masha ni shana wa ai kaw na chye lu ai.

Laknak kaba gap bangai hpang November (14) ya jahpawt manap hkying (5:00)Am aten daram kaw nna Myen Hpyen Dap ni hte Pyi Thu Tsit hpung ni Sabaw Maw na mung shawa ni a lai wa lai sa hkrunlam hpe hkum pat kau ya ai majaw hkrunlam yak hkak nga ai lam hpe mung na chye lu ai.

Myen Hpyen Dap ni Mung shawa ni nga ai shara ni de aten ntam laknak kaba ni gap bang ai lam galaw ding yang re majaw laknak kaba si hkra na hte majan bai byin wa na hpe buga masha ni hkrit tsang nga ai lam na chye lu ai.

Leave a Reply

Your email address will not be published. Required fields are marked *