KIA hpyen hpung ni hte Myen hpyen hpung ni gasat gala majan byin

KIA Masat (5) Dap Ba, Masat (3) Dap Dung ginra, Lai Hpawng Hpyen Dap maga de Dabak kaw du nga ai Myen hpyen hpung ni December (11) ya shani hkying (10:00)Am daram ten 105MM hte (10) lang gap bang ai sha n-ga Hpau Gau Bum kaw nga ai Myen Hpyen hpung ni kaw nna mung 60MM hte (8) lang gap bun ai lam na chye lu ai.

KIA Dap Nawng Daju, Masat (252) Dap Nawng Dap Dung, Kagam, Nhkram hte Sama lam num she kaw du nga ai Myen hpyen hpung ni December (11) ya shani hkying (10:10)Am kaw nna hkying (2:38)Pm laman KIA Gidon Hpyen Dap grup yin de 82MM, 105MM, 120MM ni hte (75) lang gap bun nna December (12) ya jahpawt manap du hkra rai yang yawng (104) lang gap bun sai re lam shawnglam shi sawk ni shana wa ai kaw na chye lu ai.

KIA Masat (4) Dap Ba, Masat (9) Dap Dung Sinli Bum makau Loi Mawk kaw December (11) ya shani hkying (11:15)Am daram hta Dap mying nchye ai Myen hpyen hpung ni hte KIA hpyen hpung ni gasat gala majan byin ai lam nga nna KIA Masat (17) Dap Dung, Muse hte Nam Hkam lapran na Manau Bum hta December (10) ya shana daw hkying (5:00)Pm daram kaw na Myen Hpyen Dap Dap Nu (33) kata na hpyen hpung ni hte KIA hpyen hpung ni gasat gala byin ai hte December (12) ya shani hkying (12:00)Am daram ten numdaw mi gasat gala byin ai lam na chye lu ai.

KIA Masat (6) Dap Ba, Masat (29) Dap Dung, Man Kawng mare mawdaw lam mayan hta December (12) ya shani hkying (9:00)Am kaw nna hkying (11:30)Am laman KIA Zai Ladat hpyen hpung ni hte Myen Hpyen Dap Dap Nu (99) kata na hpyen hpung ni gasat gala byin nna Mung Hawm hte Man Kawng lapran de Mungji kaw nga ai Myen Hpyen Hpung ni 105 MM hte (45) lang daram gap bun nna hkying (12:00)Pm daram ten Myen hpyen Helicopter ni Man Kawng mare Balawng kahtawng kaw bawm wa jahkrat bun ai lam shawnglawm shi sawk ni shana wa ai kaw na chye lu ai.

 

 

 

Leave a Reply

Your email address will not be published. Required fields are marked *