Myen hpyen hpung ni KIA Hpyen Dap ni de laknak kaba, Helicopter ni hte sa htim gasat

KIA Dap Nawng Daju, Masat (252) Dap Nawng Dap Dung, Sama lam numshe kaw du nga ai Myen hpyen hpung ni December (12) ya shani hkying (3:17)Pm kaw ten laman KIA Gidon Hpyen Dap maga de laknak kaba (5) lang gap bang nhtawm shana daw hkying (6:00)Pm hta Nhkram maga nga ai Myen hpyen hpung ni AA Gun hte bai gap bun ai lam na chye lu ai.

KIA Masat (2) Dap Ba, Masat (6) Dap Dung, Hpakant Byuha Kawng kaw nga ai Myen hpyen hpung ni December (11) ya shani hkying (8:30)Pm daram hta Ta Mahkan maga 120MM (2) lang gap bang ai hpe mung na chye lu ai.

KIA Masat (6) Dap Ba, Masat (2) Dap Dung, Mung Hawm hte Bang Hpik lapran kaw December (12) ya shani hkying (9:00)Am daram kaw na KIA Masat (6) Dap Ba Zai Ladat hpyen hpung ni hte Myen Hpyen Dap Dap Nu (33) kata na hpyen hpung ni ang katut gasat gala byin nna dai gasat gala byin ai shara de shani hkying (12:00)Pm kawn Myen hpyen Helicopter (2) hte numdaw (3) lang dabat nna sa htim gap gasat ai lam nga ai. Mung Ji Byuhar Kawng kaw nga ai Myen hpyen hpung ni 105MM hte mung (16) lang gap bun ai, dai gasat gala byin ai shara de Man Je kaw nna hpyen garum lung wa ai Myen hpyen hpung ni hpe TNLA ni Kawng Lim lung wa ai lam numshe kaw shingla gasat dat ai kaw na gasat gala matut byin ai lam shawnglam shi sawk ni shana wa ai kaw na chye lu ai.

Leave a Reply

Your email address will not be published. Required fields are marked *