Myen hpyen hpung ni KIA ginra de laknak kaba gap bun, TNLA ginra hta gasat gala majan byin

KIA Masat (5) Dap Ba, Masat (3) Dap Dung ginra, Zai Awng hpyen yen dabang maga de December (31) ya shani hkying (12:00)Pm daram hta Myen hpyen hpung ni laknak kaba hte bai gap ai lam nga ai, lai wa sai December (27) ya shani Myen hpyen hpung ni Zai Awng hpyen yen dabang grup yin de laknak kaba gap bang ai lam nga ai majaw ya aten du hkra hpyen yen mung shawa marai (2,800) daram ayak ahkak rai nna Miwa jarit Hkau Shau mayan na mawdaw lam ntsa hkan yak yak hkak hkak hprawng yen nga ai lam shawnglam shisawk ni shana wa ai.

December (30) ya jahpawt hkying (7:30)Am aten KIA Sam Da Hpyen Dap maga de mung Myen hpyen hpung ni laknak kaba (9) lang gap bang ai sha n-ga Dabak maga du nga ai Myen hpyen hpung ni Hpau Daw hte Sama Krung maga 105MM hte (4) lang gap bang ai lam na chye lu ai.

KIA Masat (6) Dap Ba, Masat (34) Dap Dung ginra, Gyu Ban hte Nam Hkum lapran kaw December (30) ya shani hkying (10:30)Am aten Man Dung maga kaw nna lung wa ai Myen Asuya balik marai (11) lawm ai mawdaw hpe TNLA hpyen hpung ni rim da ai majaw Man Dung maga na bai lung wa ai Myen hpyen hpung ni hte gasat gala majan byin ai lam na chye lu ai. TNLA hpyen hpung ni rim tawn da ai Myen Asuya Balik ni hpe gaw bai dat ya sai re lam shawng lam shi sawk ni shana wa ai kaw na chye lu ai.

 

Leave a Reply

Your email address will not be published. Required fields are marked *