Myen Hpyen Dap KIA Hpyen Dap hpe dingyang htim gasat nga

KIA Masat (5) Dap Ba, Masat (3) Dap Dung ginra, KIA hpyen hpung ni nga ai Hpaw Daw, Law Hpyu hte Tang Lai mayan de January (8) ya shani Myitkyina kaw na rawt wa ai Myen hpyen Jet Fighter (2) hte hkying (9:55)Am kaw na (4:13)Pm laman (8) lang dabat nna sa htim gap ai lam chye lu ai. Hkying (9:40)Am hte (4:00)Pm laman Point-1103, Lai Hpawng, Dabak maga nga ai Myen hpyen hpung ni Hpaw Daw, Sama Krung, Nga Gyang Bum mayan de laknak kaba hpan hkum hte mung (300) jan lang daram bap bun ai shawnglam hpyen shi sawk ni shana wa ai kaw na chye lu ai.

KIA Masat (2) Dap Ba, Masat (14) Dap Dung ginra, Lamung Tu Ja Maw maga de January (8) ya shani hkying (10:00)Am aten Hka Da Zup kaw du nga ai Myen hpyen hpung ni 60MM hte (8) lang gap bun ai lam nga ai.

KIA Masat (4) Dap Ba, Masat (9) Dap Dung ginra, Na Noi kaw January (8) ya shani hkying (8:18)Am ten KIA hpyen hpung hte Myen hpyen hpung ni gasat gala majan byin ai lam na chye lu ai.

KIA Masat (6) Dap Ba, Masat (2) Dap Dung ginra, Bang Yang Hka maga rawt wa ai Myen Hpyen Dap Dap Nu (88) kata na hpyen hpung ni hpe January (8) ya shani hkying (12:00)Pm ten KIA Masat (6) Dap Ba Zai Ladat pawnghpawm hpyen hpung ni Na Le Sam mare sa lam Nam Lim mahkrai makau kaw hkap shingla gasat dat ai kaw na gasat gala byin ai lam na chye lu ai.

 

Leave a Reply

Your email address will not be published. Required fields are marked *