Hpakant hte Nam Ya lapran kaw laknak lang hpung langai gate jahkrat nna gumhpraw hta sha nga

Nam Ya mare baw kaw Dap jung nga ai P.T.Ts Hpyen Dap makau, mawdaw lam ntsa kaw February  (21) ya shani kaw na mying garai nchye lu ai laknak lang hpung langai gate jahkrat nhtawm lai wa lai sa Mung shawa ni hpe gumhpraw hta sha nga ai lam na chye lu ai.

Gate hta lai wa lai sa Mung shawa ni hpe san jep nna gumhpraw hkap hta sha nga ai majaw dai ginra na Mung shawa ni kan bau magam bungli a majaw hkawm sa hkawm wa ai lam  hta dingbai dingna byin ai nga nna mung tsun ai.

Lai wa sai shata laman hta mung Danai lam Yuzana Company madu ai lamu ga hta lai wa lai sa masha ni hpe mayun mayoi rai nna gumhpraw hkap hta sha ai laknak lang wuhpung langai nga lai sai lam buga masha ni tsun shana ai kaw na chye lu ai.

Leave a Reply

Your email address will not be published. Required fields are marked *