Myen hpyen hpung ni Mung masha ni a yi wa nta ni hpe nat jahten kau ya

KIA Masat (3) Dap Ba, Masat (12) Dap Dung ginra, Bang Htan mare hta February (23) ya shani kaw na KIA hte Myen hpyen hpung ni laja lana gasat gala majan byin wa ai majaw yi rawng let hpyen koi yen nga ai Mung shawa htinggaw (8) a yi wa nta ni hpe February (25) ya shani hkying (12:15)Pm aten Myen Hpyen DapĀ  Hk.L.Y (13), Hk.M.Y (437) Dap na pawnghpawm hpyen hpung ni wan nat jahten kau ya ai lam buga masha ni shana wa ai kaw na chye lu ai.

Yi wa nat kau ya ai kaw Salang Nhkum Tu Ja a Mam dang (50), Salang Zahkung Nan Shawng a Mam dang (40), Salang Nhkum Awng Lat a Mam dang (40), Salang Waje La Ja a Mam dang (50), Salang Labya Gam Awng a Mam dang (50), Salang Labang Hkang a Mam dang (60) Salang Lahpai La Ring a Mam dang (40) hte Salang Zahkung La Ja a Mam dang (70), Mam htu jak hte kaga arung arai ni mung hkru lawm mat ai lam mung shana wa ai.

One thought on “Myen hpyen hpung ni Mung masha ni a yi wa nta ni hpe nat jahten kau ya

Leave a Reply

Your email address will not be published. Required fields are marked *