Myen Mung simsa lam Comission hte Rudi Amyu Sha ningbaw ni Chaingmai kaw hkrum

Myen Mung Asuya a simsa lam comission ningbaw Dr. Tin Myo Win hpung ni hte Hku U Reh (ခူဦးရယ္) woi awn ai rudi amyu sha laknak lang rawt malan hpung kaw na Mung masa jahkrup dat kasa hpung (DPN) ni Thai Mungdan, Chiangmai Muklum Horizon Village & Resort kaw April (28) ya jahpawt hkying (9:00)Am aten kaw na simsa lam bawngban hpawng galaw ai lam na chye lu ai.

Hkrum zup hpawng hta 2017 ning March shata (3) ya shani UNFC kaw na tang shawn da ai lawng lam (9) hpe (4) lang ngu na DPN hte PC ni gram sharai ka ai lawnglam ni a ntsa matut bawngban wa na re lam chye lu ai.

Matut manoi sha (2) lang ngu na Munghpawm simsa lam Tsaban (21) Panglung Zuphpawng lung na matu hte seng ai lam ni hpe mung bawngban sa wa na re. Ya na zuphpawng hta myen asuya maga na gaw simsa lam Comission Ningbaw Dr. Tin Myo Win, Salang Awng Kyi, Salang Awng Soe, Salang Hkin Zaw Oo, Salang Kyaw Thura, Dr. Hkin Tar Shan Zaw ni lawm ai re hpe chye lu ai.

DPN maga na gaw Salang Hku Oo Reh, Du kaba Sai Htoo, Dr. La Ja, Dr. Naing Shwe Thieng, Du Kaba Tar Nyi Lu, Salang Htun Zaw, Duwa Bum Wang La Raw, Du Kaba Saw La Mun, Du Kaba Min Htun ni lawm nna, zuphpawng hta Observer hku na NCA kaw ta masat ka da ai hpung (8) kaw na dakkasa rai nga ai CNF kaw na Salai Tala Hye (ဆလိုုင္းသလာေဟး) hte ABSDF kaw na Mi Su Pyin (မိဆူးပြင့္) ni shanglawm ai hpe mung chye lu ai.

Leave a Reply

Your email address will not be published. Required fields are marked *