Tau Jawng Sara wunkat (Pre Service Teacher Training) yu hpawng galaw

Dingdung ginwang ginjaw KIO Asuya N-gumla lahta tsang jawng kaw April (13) ya shani kaw nna hpaw sharin nga ai pre-service teacher training hpe April (29) ya shani (2:30)Pm aten wunkat yu hpawng galaw ai lam Maling Chyang Ngau shana wa ai kaw na chye lu ai.

Wunkat hta madung sharin ai ginhpan ni gaw (1) KIO Department policy (2) Theory of Education, Psychology and Child Central Approch (3) Teacher Method (4) Lesson Plan (5) Block Teaching (6) Teacher competency ni re hpe chye lu ai.

Ndai wunkat yu hpawng hta Dingdung Ginwang ginjaw Ningtau hpaji du Lahpai zau li a hpawng hpaw mungga tsun ai hta “shawng de wunkat lung la da ai sr/n ni law law nga sai re. Rai tim ta tut hta bungli shang nga ai ni ‘taw’ nga ai, wunkat lung la ai hpang gaw yawm htum (4,5) ning gaw shakut sa wa ga” nga nna  Dingdung Ginwang ginjaw uphkang Du Dkb. Wana Yaw Htung kaw na mung Jawng sara saranum ni gaw bungli re ngu ai hta Lit la chye ai myit rawng na matu n-gun jaw mungga hta tsun ai hpe chye lu ai.

Ndai Wunkat hta Num marai (17), La marai (10), yawng marai (27) sa du sharin hkam la sai re hpe mung matut chye lu ai.

2 thoughts on “Tau Jawng Sara wunkat (Pre Service Teacher Training) yu hpawng galaw

Leave a Reply

Your email address will not be published. Required fields are marked *