Myen hpyen mawdaw galau dagup ai majaw hpyenla marai (6) asak si sum

Myen Hpyen Dap Hk.L.Y (288) hte Hk.M.Y (309) na pawnghpawm hpyen hpung ni April (30) ya shani hkying (3:00)Pm aten daram hta KIA Masat (8) Dap Ba, Masat (5) Dap Dung ginra, Mung Nyang Ginwang, Myo La mare kaw na Nam Bau Hka kaw mawdaw galau dagup ai majaw jawn lawm ai masha marai (20) daram hkala hkrum nna marai (6) si sum mat ai lam chye lu ai.

Si sum ai marai (6) hta Hpyen Du marai (3) mung lawm ai lam ginra shi sawk ni shana wa ai kaw na chye lu ai. Ndai mabyin hte seng nna Myen Hpyen Dap ni gaw KIA Masat (8) Dap Ba na hpyen hpung ni htim gasat ai majaw dai mawdaw galau dagup mat ai re nga nna shanhte a ntsa tsang rung de masu tang da ai lam nga ai hpe sagawn chye lu ga ai.

Leave a Reply

Your email address will not be published. Required fields are marked *