KIA hte Myen hpyen hpung ni gasat gala majan byin

KIA masat ( 2 ) Dap Ba, Masat  (14) Dap Dung ginra, N-ga Ga mare KBC Nawku jawng shing du kaw June (6) ya shani ka-ang hkying (12:45)Pm a ten KIA hpyen hpung hte Myen hpyen hpung ni  gasat gala majan byin ai lam shawng lam hpyen shi sawk ni shana wa ai kaw na chye lu ai.

Shana daw hkying (1:35)Pm ten kaw na mung Myen hpyen hpung ni  Nambyu sa lam hku ding yang htu shadut lung wa ai hpe KIA hpyen hpung ni N-Ga Ga mare hkau na pa baw kaw hkap shing la gasat dat ai majaw Shana de daw (6:00)Pm ten du hkra matut manoi gasat gala majan byin ai lam chye lu ai.

Myen hpyen hpung ni gaw Danai ginra mayan na Ja maw, Pat maw na Mung masha ni hpe June (15) ya jahtum tawn nna pru wa na matu Nbungli hte sadi jaw laika hkan shabra da ai re, hpyen yen Mung masha ni gaw pru wa na matu Myen Hpyen Dap kawn Danai Hka lam pat tawn da ai majaw yak hkak nga ai re, June (6) ya shana hta mung KBC kawn hpyen yen Mung masha nkau hpe wa htaw la ai rai tim Danai du ai hte Myen Asuya ni laja lana jep chyoi ai majaw Mung shawa ni grau hkrit tsang nga ai lam buga masha ni shana wa ai.

 

Leave a Reply

Your email address will not be published. Required fields are marked *