Pat Maw, Ja Maw hkan na pru wa ai Mung masha ni hpe Myen Balik hte P.T.Ts ni laja lana sawk jep

Sinna ginwang ginjaw, Danai ginra, Nam Byu, Pat Maw hte Ja Maw ni hta Myen Hpyen Dap ni June (5) ya shani Nbungli hte laika shabra ai hta du wa na June (15) ya shani hpang jahtum pru na lam tsun da ai rai tim Myen Hpyen Dap ni Danai hka lam pat da ai majaw Dai Hpa hte Tawang Hka maga na pru wa ai Mung masha ni hpe Myen Balik ni hte P.T.Ts hpung ni Lamung mare kaw June (7) ya shana daw hkying (4:00)Pm kaw na  laja lana sawk jep nna shalai nga ai lam buga masha ni shana wa ai kaw na chye lu ai.

June (8) ya shani pru wa ai Mung masha ni gaw Nam Hkam mare na marai (890), Nam Gawn mare na (525), Noi Je Bum na (956), Lapu Hka mare na (158) hte Daru mare na marai (10) yawng marai (2539) re lam mung chye lu ai.

Dai hpyen yen Mung shawa ni gaw Danai KBC hte RCM nawku jawng ni hta wa shingbyi nga ai hpe June (8) ya shani hkying (1:50)Pm aten D.K.TS mu a matsun re ngu tsun nna dai shana jang Kawng Ra de htawt ra na ngu sa tsun ai lam mung nga ai.

June (7) ya shani hkying (10:00)Am aten hta mung Kawng Ra mare, lawk (4) na Salang Tan Tun asak (36) ning hte mying nchye lu ai manang (2) Nga hkwi sa ai kaw Myen Hpyen Dap Hk.L.Y (238) Dap na hpyen hpung ni nanhte KIA a kyin yu re ngu nna adup zingri nhtawm D.K.Ts de woi mat ai lam nga ai, dai rim woi mat hkrum ai ni hpe nta masha ni sa san ai shaloi mung nchye ai ngu hkap tsun dat ai lam buga masha ni shana wa ai kaw na chye lu ai.

 

photo; wp tagaw

Leave a Reply

Your email address will not be published. Required fields are marked *