Ka-maing hte Man Den lapran kaw ang katut gasat gala majan byin

KIA Masat (2) Dap Ba, Masat (6) Dap Dung ginra, Ka-maing hte Man Den lapran Lagat Yang makau kaw shimlam la nga ai Myen Hpyen Dap Hk.L.Y (252) Dap na hpyen hpung ni hte KIA Masat (11) hte Masat (6)  Dap Dung na pawnghpawm hpyen hpung ni July (2) ya shana daw hkying hkum mi daram ang katut gasat gala majan byin ai lam shawnglam shi sawk ni shana wa ai kaw na chye lu ai.

Loili Hka makau hku shamu shamawt lung wa ai Myen hpyen hpung ni hpe July (2) ya jahpawt KIA hpyen hpung ni shingla gasat dat ai kaw na gasat gala byin ai hta Myen hpyen ni grup gra de sinat kaji kaba gap bang ai lam ni nga ai. Shana daw aten hta mung Maran Kahtawng kaw na lung wa ai Myen hpyen hpung ni hpe KIA hpyen hpung ni Ting Rat Hka makau kaw shingla gasat dat ai majaw gasat gala majan byin ai lam chye lu ai.

Leave a Reply

Your email address will not be published. Required fields are marked *