N-ga Ga mare de Myen Hpyen Dap ni sinat laknak kaba gap bang

Danai Muklum, Nawng Lung Kawng Ra mare makau Maisak Post kaw shara jahkrat nga ai Myen Hpyen Dap ni July (4) ya shani jahpawt jau jau aten hta Masat (14) Dap Dung ginra, N-ga Ga mare baw maga de sinat laknak kaba (22) lang gap bang ai lam shawnglam shi sawk ni shana wa ai kaw na chye lu ai.

Laiwa sai ten hta mung Nawng Lung Kawng Ra mare kaw sinat kaba si hkrat kabaw ai majaw mare masha ni hkala hkrum ai lam hte Du sat yam nga ni mung si mat ai lam nga lai wa sai.

Ya aten Hugawng ginra kata byin nga ai majan a majaw Mung shawa (1000) mi daram Danai Muklum kata nga ai nawku hpung shagu kaw hpyen koi yen nga ra ai re.

Leave a Reply

Your email address will not be published. Required fields are marked *