KIA Masat (14) Dap Dung ginra kaw gasat gala majan byin

KIA Masat (2) Dap Ba, Masat (14) Dap Dung ginra, Ting Kawk mare Lwidwi sun kaw July (9) ya jahpawt  manap Myen Hpyen Dap HK.L.Y (37) Dap na hpyen hpung ni hte KIA hpyen hpung ni gasat gala majan byin lai wa sai re.

Myen Hpyen Dap ni kawn gasat gala byin ai shara kaw na grup gra de laknak kaji kaba gap bun ai majaw Ting Kawk mare na sun sin nga ai Shadang Hpung Shin, Salang Hkyen Ram, Salang MangJa Tang Di Salang San Nai Teng hte Madu jan Mazung Nen ni kaw hkra hkala hkrum ai lam, ya aten dai hkala hkrum ai ni hpe Danai tsi rung kaw tsi gawn lajang nga ai lam buga masha ni shana wa ai kaw na chye lu ai.

KIA Masat (14) Dap Dung Ginra de Myen Hpyen Dap ni Jun (3) ya shani kaw nna htu shadut htim gasat nna laknak kaba hkrup mara gap bang ai majaw ginra Mung mare masha ni Danai muklum kaw hpyen koi yen nga ai re, Mung shawa n-nga ai mare kahtawng ni kaw Myen Hpyen Hpung ni arung arai ni shaw la kau ya ai lam na chye lu ai, July (8) ya shani hta mung N-ga Ga mare na Mung shawa ni a nta ni hpe adup hpaw nhtawm ra ai arung arai ni la kau ya ai lam ni nga nna KBC nawku hpung wang kata na dung lahkum hpun nba, solar jak ni hpe mung la kau ya ai lam nga ai.

 

 

Leave a Reply

Your email address will not be published. Required fields are marked *