Lungseng nhkun kaw ga gyi kaput nna masha marai (5) si sum

Lungseng nhkun kaw ga gyi kaput nna masha marai (5) si sum

Hpakant, Lunghkang Sanhka mare na ရတနာဆင္သံုးေကာင္ၾကြယ္ဝဆံုး company nhkun kaw July (13) ya shani ga gyi wa ai majaw bungli galaw nga ai La marai (5) ga kaput hkrum ai lam chye lu ai.

Ga gyi kaput hkrum mat ai ni gaw ရတနာဆင္သံုးေကာင္ၾကြယ္ဝဆံုး company kaw bungli galaw ai ni rai nna yawng si sim mat ai re, July (13) ya shani kaw na mare salang ni wan sat dap ni hte buga kanu kawa ni ga htu shaw ai rai tim July (15) ya shana daw hta Jahtu zup buga na Shadang Nhkum Naw Naw asak (19) ning, Shadang Lahpai Naw Ja asak (25) ning hte Myen kasha (2) hpe lu shaw la sai re, Salang Lamai Tawng na a moi mang hpe gaw nlu shaw la shi ai nga nna  Hpakant Myu sha zinlum hpung na Salang Maran Tu Lum shana wa ai kaw na chye lu ai.

Hpakant kaw lai wa sai ten hta mung Lungseng nhkun kaw ga gyi kaput, nhkun kata hkrat bang, ေျမဇာ ga bum gyi ru ai lam ni a majaw asak si sum ai masha law law nga lai wa sai hta 2015 ning November hta mung ေျမဇာပံု gyi ru nna masha marai (100) asak si sum lai wa sai re hpe mung chye lu ai.

Share