Munggu hpung sara lahkawng hpe Myen Hpyen Dap kawn tara jewat

Tara nshang ai wuphpung ni hte matut mahkai ai ngu nna Myen Hpyen Dap kawn rim zing da ai Munggu mare na Hpungtau Dumdaw Nawng Lat hte Sara Langjaw Gam Seng yan hpe July (14) ya shani tara jewat na matu aming jahkrat dat sai lam chye lu ai.

July (10) ya shani Myen Hpyen Dap maga na tara shawk shawn ai hpe san jep ngut ai hpang (14) ya shani tara jewat hkam na matu aming jahkrat dat ai re hpe chye lu ai.

Du wan a July (26) ya shani tara rung kaw na Sara yan hpe bai jep na re hte Sara yan hpe san jep ngut ai hpang mare Salang ni hte Dum nta masha ni hpe bai san jep na re lam buga masha langai shana wa ai.

Ya aten Hpungtau Dumdaw Nawng Lat ga asak kaba sai majaw hkam ja lam nnga ai sha n-ga hkyuk htawng kaw rawng nga ai aten ladaw na wa ai majaw sinda chyat machyi ai lam nib yin wa ai hpe mung chye lu ai.

Hpungtau Dumdaw Nawng Lat hte Sara Langjaw Gam Seng yan hpe 2016 ning December (24) ya shani Licence nlawm ai Cycle jawn ai ngu ပုဒ္မ (၈)၊ မတရားအသင္းႏွင့္ဆက္သြယ္သူ ngu ai ပုဒ္မ (၁၇/၁) hte rim da ai re, ya aten Lashio hkyuk htawng kaw rim zing da ai lam matut chye lu ai.

Leave a Reply

Your email address will not be published. Required fields are marked *