KIA Masat (12) Dap Dung Ginra Hta Gasat Poi Matut Byin Nga Ai Shiga

KIA Masat (12) Dap Dung Ginra Nam Lim Pa hte Magyeng lapran de Myen hpyen Dap Hk.L.Y (86) hte (142) dap na pawnghpawm hpyen hpung ni May (6) ya shani kaw nna htim gasat wa ai majaw KIA Masat (12) Dap Dung na hpyen hpung ni hkap shingla gasat dat ai kaw nna matut manoi gasat poi byin nga ai lam hpe na chye lu ai.

May (7) ya jahpawng hkying (5:00)am aten kaw nna mung Myen Hpyen hpung ni hte KIA Masat (12) Dap Dung na hpyen hpung ni Namlim Pa Jawng pa mayan hte Magyeng grup yin kaw laja lana gasat poi bai byin ai re lam, Myen Hpyen Dap ni sahani hkying (12:19)pm kaw nna hkying (12:35)pm aten du hkra n-bungli (2) hte wa gap gasat ai re lam hte ya aten du hkra gasat poi matut manoi naw byin nga ai re hpe shawglam shisawk ni shiga jaw la ai kawn chye lu ai.

Leave a Reply

Your email address will not be published. Required fields are marked *