Myen Hpyen Dap Ni Mahtek Post Hpe Htim Gasat

May (8) ya shani KIA Masat (27) Dap Dung ni hpyen hpung ni padang dip zing la lu ai Mahtek post hpe Myen hpyen dap ni gaw May (9) ya shana maga hkying (2:30) aten daram kaw na bai htim gasat hpang nga sai lam chye lu ai.

Myen hpyen dap ni gaw laknak kaji kaba hte Kai Htik kaw na mung gap bun ai hte laja lana gasat nga ai lam na chye lu ai. Ya na zawn sim sa lam bawng bang nga ai ten hta Myen hpyen dap ni gaw Shwe Gu ginwang kata hta hpyen man law law hpaw na KIA hpyen dap ni nga ai post ni, buga masha ni nga ai mare kahtawng ni hkan htim gasat wa ai gaw simsa lam hpe teng sha n ra sharawng ai masa pru ai hte n-gun laba hte dip up sha nna buga ginra ni na nhprang sut rai ni hpe mya la na masing masa rai na re ngu nna dai buga kaw na Salang langai shiga jaw la ai kaw na chye lu ai.

Leave a Reply

Your email address will not be published. Required fields are marked *