Lambraw Yang na mare masha lahkawng hpe Myen hpyen la ni Bawm kawpaw sat kau

Namati Lam braw yang mare na Wunpang la lahkawng hpe myen hpyen la ni rim woi mat nna August (9) ya jahpawt hta bawm hte kapaw sat kau ai lam na chye lu ai.

Namati Lam braw yang mare na Wan sat du Hpau Kap Naw Let hte Salang Labang Naw Bawk yang gaw August (8) ya shani Dum Bung mare, Loili hka de nga sa hkwi nna nta de bai nhtang wa ai lam kaw shana hkying (8:40) Pm hta Siden post kaw du nga ai Myen hpyen Dap Dap Nu (101) kata hpyen hpung ni hkap sawk jep ai hta Nga bawm kapaw nna ngam wa ai TNT tawng langai hpe mu nna adup zingri nhtawm Hk.M.Y (381) Dap de woi mat na ngu masu nna lam lapran Siden post makau Sari bum (ရင္ကြဲေတာင္) kaw bom hte kapaw sat kau da ai lam buga masha langai tsun shana wa ai kaw na chye lu ai.

Ya aten du hkra Myen hpyen Dap ni kawn Lam Braw yang mare na Salang ni hte nta masha ni hpe hpa shana wa ai lam mung nnga mang sa jaw ai lam mung nnga ai hpe na chye lu ai.

Myen hpyen Dap ni gaw mara kata mung masha ni hpe rim zingri sat kau ai lam lang hte lang nga lai wa sai re, Lai wa sai May (25) ya shani hta mung KIA masat (3) Dap Ba, Masat (27) Dap Dung ginra Maihkawng RCM hpyen yen dabang kaw nga ai Salang Maran Brang Seng, Salang Sumdu Gam Awng hte Salang Labya Nawng Hkum ni dabang shinggan de shat mai tam sa ai kaw Myen hpyen dap Hk.M.Y (319) ni mara kata sat zingri sat kau ya ai re lam chye lu ai.

Leave a Reply

Your email address will not be published. Required fields are marked *