Ginjaw Hkamja Dap ni Chyeju Dum Nlung N nan sha poi galaw

Knet; 2009 ning November 24 ya.

Ginjaw Hkamja Dap a chyeju dum nlung n nan sha nawku hpawng hpe dai hpawt hkying 11:00 Am aten Laiza Mung Shawa Tsi Rung, Wunjat Gawknu hta galaw wa sai lam chye lu ai.

Nlung n nan sha chyeju shakawn hpawng hta Wa Jau Nbwi Naw kawn kyu hpyi shaman ya ai hte Hpungtau Maran Naw kawn wunli la hkumtsup kyu hpyi shaman ya sai rai nga ai.

Ndai hpawng hta Wunpawng Mungdan Shanglawt Hpung Ginjaw Komiti Salang ni, Magam Dap hte Makan Dap shagu na myit su Du Salang ni, Laiza buga masha ni hte Hkamja Dap mu gun masha ni yawng marai 300 jan sa du ai lam chye lu ai.

Shana hkying 7:30 Pm aten hta Hkamja Dap magam gun ni a chyeju dum n lung n nan sha poi yu ngwi pinra lamang hpe mung galaw wa sai lam chye lu ai.