Ninggawn Daju, Nlung Ningnan Chyeju Shakawn Poi  hte Hkristmas Hkalum lamang galaw

Knet; 2009 ning November 30 ya.

Alen Bum, Ninggawn Daju hpyen dap gaw Nlung Ningnan Chyeju shakawn nawku hpawng hte Hkristmas hkalum poi hpe dai ni Alen Bum, Ninggawn Daju, Hpungmai Gawknu hta galaw ai lam chye lu ai.

Nlung ningnan sha chyeju shakawn nawku hpawng hpe dai hpawt hkying 11:00 Am aten galaw ai rai nna Rev. Joseph N’bwi Naw kawn Karai Mungga jaw ai hte Rev. Gumtsan Naw Ra kawn shaman ga tsun ai lam chye lu ai.

Nawku hpawng ngut ai hpang du sa ai Mung Shawa Dap Shawa yawng man hkrum lu sha hpe jawm sha ai lam chye lu ai.

Ndai nawku hpawng hta Wunpawg Mungdan Shanglawt Hpung Ginjaw Komiti Salang ni, Makam masham hpung shagu na Hpung woi Sara/num  magam gun ni, Magam Dap Makan Dap shagu na Myitsu Du Salang magam gun kaji kaba ni hte Laiza Muklum na Myitsu Kanu Kawa, ramma ni yawng marai 600 jan sa du ai lam chye lu ai.

Matut nna, Shana hkying 7:00 Pm aten hta Hkristmas hpe hkap tau hkalum la ai Hkristmas Hkalum Yungwi Pinra hpe mung galaw na re lam chye lu ai.

Ginjaw Komiti Salang ni

Ninggawn Daju, Magam gun ni kawn chyeju shakawn mahkawn hkawn nga ai

Chyeju dum lit ni hpe ndai zawn mawn sumli da ai.

Laiza Ramma ni kawn Nlung Ningnan chyeju shakawn mahkawn hkawn nga ai