Wunpawng Htunghking Hkum Makawp Jau Hkyen Jawng Yu Poi

Knet.

December 3, 2006

December 3, 2006 ya shani shana maga 3:00 PM aten hta Laiza Muklum Sinpraw Majoi Manau Htingnu hta wunpawng htunghking hkum makawp jau hkyen (Kahprek) jawng yu poi lamang galaw ai lam na chye lu ai.

Ndai jau hkyen (kahprek) jawng hpe July shata 21 ya shani kaw nna hpaw hpang ai rai nna, Sr. Seng Du La hte Sr. Zau Seng kawn sa du sharin jaw ai lam hpe na chye lu ai. Jau hkyen jawng hpaw ai a yaw shada ai lam hpe Sr. Seng Du La tsun ai hta “wunpawng ramma ni ndai jau hkyen hpaji hpe ginsup ai a majaw nanghpam malu masha hpe koi yen lu na matu, tinang a hkum hkrang hkamja lam lu la na matu hte myit masin magrau grang wa lu na matu” re ai lam hpe chye lu ai.

Ndai jau hkyen sharin jawng hpe laiza muklum ramma komiti kawn woi awn galaw sa wa ai rai nna, sa du hka ja la ai jawngma marai (13) re ai lam hpe chye lu ai.

Kaji team hta magrau grang ai Sadang Zau Lat hpe shagrau kumhpa jaw nga yang

Kaba team hta magrau grang ai Sadang Aung Li hpe shagrau kumhpa jaw nga yang

Sr. Seng Du La, Laiza muklum ramma komiti hte jau hkyen jawng yu jawng ma ni

KNET.