HIV/ AIDS ana hte seng ai sharin hpawng Laiza Muklum e galaw

Knet.

November.9.2006

Wunpawng Mungdan Shanglawt Hpung a Gaw Sharawt ginra rai nga ai Laiza Muklum, Laiza Lapran Tsang jawng hta Ginjaw Hkamja Dap kawn woi awn ai HIV/AIDS hte HE Presentation Skills ana hte seng ai hpaji jaw sharin hpawng galaw ai lam na chye lu ai.

Ndai sharin hpawng hta Ginjaw Hkamja Dap, Ginjaw Hpaji Dap, Zai Ning Gawn hte EEDY Ramma ni sa du hkaja shang lawm ai lam na chye lu ai. Ginjaw Hkamja Dap Ningtau Lit Hkam Lanye Dau Hkau tsun ai hta, ndai sharin hpawng gaw World AIDS Day shamu shamawt lam re ai lam, ndai sharin hpawng ngut ai hte Wunpawng Mungdan Shanglawt Hpung a Up Hkang ginra shara shagu de sa du nna HIV/AIDS hte HE Presentation Skills ana hte seng ai hpaji jaw htawn tsun hpawng, Tsi mawan jaw na lam ni galaw sa wa na re ai lam na chye lu ga ai.

Tsi hpung rai nga ai A.Z.G hte P.S.I kawn Dr.Lynn Htet, Ko Thomas, Srm. Doi Aung ni sadu sharin jaw ai lam chye lu ai. Ndai sharin hpawng hpe November 9- 10 ya du hkra sharin mat na lam matut chye lu ai.

Dr. Lynn Htet kawn HIV/AIDS ana hte seng nna sharin nga yang

Photo by Knet.