Leng Masum (Motor rickshaw) saike jep ai lam

Knet

November 2, 2006.

Wunpawng Mungdan Shanglawt Hpung a Gaw Sharawt ginra rai nga ai Miwa mungdan jarit Laiza Muklum mare kaba hta daining laman leng masum (motor rickshaw) saike nau law wa ai majaw ndai ten hta seng ang ai Laiza Muklum Uphkang rung kaw nna jep chyoi ai lam ni hpe galaw nga sai lam chye lu ai.

Ndai Laiza mare kaba gaw Miwa mung jarit rai nna hpaga yumga dut lu dut sha ai hta mungdan lahkawng a zup ai shara lamu ga jarit mung rai nna shara shagu de na lauban launa mungchying sha ni pru pru shang shang hting let ai ginra rai nga ai.

Motor rickshaw saike law ai daram ndai mare gaw nau law hkap la na lamu ga shara dam lada ai madang nnga ai hta sha n-ga Laiza Uphkang rung a ahkaw ahkang lekmat (License) n lawm ai saike mung grai law wa nga ai lam chye lu ai. Jahkring hkring hkala nba ( accident) byin nga ai. Saike lagu lagut ni mung law nga ai. Dai majaw ndai ten motor rickshaw License jep chyoi ai lam ni hpe galaw nga sai lam chye lu ai.