World AIDS Day hta Ginjaw Hkamja Dap hte Laiza Muklum ramma ni a shamu shamawt lam

Knet December 1, 2006

2006 ning December shata 1 ya shani Laiza Muklum mare hta World AIDS Day hpe mahta let Laiza Muklum ramma ginsup komiti kaw n’na woi awn galaw ai marathon shingjawng poi hte Ginjaw Hkamja Dap kaw n’na woi awn galaw ai hkrunlam galu hkawm AIDS ninghkap lamang ni hpe galaw ai lam chye lu ai.

Marathon shingjawng ai lamang hpe jahpawt hkying 5:00 AM aten hta galaw ai rai nna Laja Yang mare kaw na Laiza Muklum Sinpraw Majoi Manau wang du hkra lagat ai re hpe chye lu ai. Ndai Marathon shing jawng lamang hta magam dap, makan dap shawa ni hte Laiza Muklum ramma ni shang lawm lagat shingjawng ai rai nna shingjawng lawm ai masha yawng marai 87 tup re lam chye lu ai. Ndai zawn marathon shingjawng ai hta No.10 du hkra masat lata ai rai nna la kasha kaw na No.1 hpe Laiza Muklum ramma Shd. Lasang La Di, num kasha ni hta na No.1 hpe Shayi Ja Nyi(Hkamja Dap) hku nna lu la lai wa sai lam hpe chye lu ai. Ndai marathon shingjawng ai hta ningtawn ai shayi shadang ni hpe Laiza Muklum ginsup komiti amu madu Slg. Lama La Rip kaw n’na kumhpa hte shagrau lekmat ni hpe shagrau ngut ai hpang marathon shingjawng ai lamang hpe hpungdim dat sai lam chye lu ai.

Ginjaw Hkamja Dap kaw nna woi awn galaw ai hkrunlam galu hkawm AIDS ninghkap lamang hpe jahpawt 4:45 AM hta Hkamja Dap shawa ni shanglawm galaw ai rai nna masha n’gun yawng marai 100 daram re lam hpe chye lu ai.

lagat shingjawng nga yang

No.1 lu ai Shd. Lasang La Di shagrau kumhpa la nga yang

No.1 lu ai Shayi Ja Ni shagrau kumhpa la nga yang

shingjawng kum hpa la nga yang