SAW LAW HKRUN LAM

 

By Buhkawm Brang

Lai wa sai shaning 3-2-07 ya shaning htum wa maga kaw nna buhkawm mat wa ai hbu hkawm brang a hkrun lam gaw dai ni 24-2-07 ya shani du hkra bu hkawm mat wa ai buga ginra ni a lam hpe Kachinnet manaw manag ni hpang shachyen dan mat wa na saga ai, shawng n’nan gaw 11-2-07 hta Saw Law Mare de du hkawm mat wa ai.\

Sawlaw Mare

 

Ndai Saw Law gaw Chihpwi Myu kaw nna dingdung maga de mile 33 tsan ai shara rai nna hkrum lam gaw ya she n’nan galaw hpang wa ai re majaw lam tsawmra naw yak hkak nga ga ai. Ndai hkrum lam gaw Dagaw Buk Bum kaba mayan hku hkan mat ai rai nna hkrum lam mayan hta la-pai maga de yu dat yang tsit lali tsawm la ai Nmai Hka mayan rai nna, hkra maga gaw tsawm htap dik ai Dagaw Buk Bum mayan hte Shaying Bum hpe mu mada nga ai. Shaying Bum hte Dagaw Buk Bum lapran Ngaw Shang hka din ai rai nga ai. Shaying Bum ntsa hta Pang Wa Myu de sa ai mawdaw lam hpe mu mada nga ai.

 

Anhte shani hkying 4:00 pm ram hta Saw Law mare n’nan ngu ai hku madung chye na mat sai shara hta malu masha wa shadu sha ai, ndai mare hta machyu nga ai mare masha ni gaw Myen Asuya magam gun ni hte mare masha yawng marai (406) rai nna, Myen Asuya Magam gun masha law malawng re ai lam mu lu ai. Saw Law mare madung gaw Gik Bai Dang ngu ai shara de re ai lam mare masha ni kawn chye lu ai.

 

Ndai Saw Law Mare kaw nna Shaying Bum ntsa na Hkyen Bum ni hpe a san sha mu mada lu ai. Karai Kasang gaw Wunpawng Amyu sha ni hpe shaman jaw ai kum hpa langai rai nga ai. Anhte hpung ni marai 10 jan dai shana jang bai Chihpwi de nhtang wa ai. Ndai ten hta lak lai nna marang htu ai majaw mawdaw lam nau ma-nyen nna, dai shana hkying 9:00 pm ram hta she sammari Chihpwi myu lu wa ai.

Sawlaw mare na mu mada ai hkyen bum ni

 

• < Prev
• Next >