KIA Masat (4) Dap Ba Ginra Pang Damaw Mare hpe Myen Hpyen ni sa gap.

2012 ning January (19) ya shani hkying (11:30)am aten daram hta KIA Masat (4) Dap Ba, Dap Dung (8) ginra Pang Damaw mare ( Hpa Bren Lawu) hpe Myen Hpyen Dap, Hk.L.Y Masat (130) na hpyen hpung ni laknak kaji kaba hte shang gap, Mung mare masha si hkala ai lam hpe n chye lu shi ai.

Myen Mung Asuya Dat Kasa ni hte KIO Dat Kasat ni Miwa Gumsan Mungdan, Shweli kaw 2012 ning January (18) ya hte (19) ya zuphpawng galaw nga ai laman uhpung lahkawng maga na shawng lam majan ginra ni hta shada n gap hkat na matu matsun tawn da ai raitim, Myen hpyen maga de na gaw, ya na zawn Mung masha ni shanu shingbyi nga ai mare buga kahtawng ni hta sinat laknak kaji kaba hte sa shang gap ai lam hpe chye lu ai.

2012 ning January (18-19) ya laman KIA Masat (5) Dap Ba ginra, Gang Dau Yang - Dum Hpawng mare kaw du nga ai Myen Hpyen Dap, Hk.M.Y Masat (389) na hpyen hpung n-gun (40) daram gaw, hpyen yen mat ai Mung mare masha ni a dum nta ni hpe adup jahten, run ayai ya rai nna du sat yam nga ni hpe mung, kam ai hku gap sat sha ya ai lam galaw nga ai chye lu ai.

• < Prev
• Next >