Myitkyina-Wai Maw kawn Dabak de lai wa lai sa Mung masha ni hpe Myen Hpyen ni Gate jahkrat nna san jep galaw.

2012 ning January (20) ya shani, Myitkyina-Manmaw lam kaba, Dabak hte Wai Maw lapran Dabak, Ga Ra Yang, Bri Bra Mahkrai, Lung Zep Kawng, Myen Hpyen Dap, Hk.M.Y Masat (321) shara ni hta Myen Hpyen Dap ni Gate jahkrat nna lai wa lai sa masha jep ai lam galaw ai, Myitkyina-Wai Maw maga kawn Dabak de sa ai mung masha ni hpe sa yup na ahkang n jaw ai sha lani jan hte nhtang na matu matsun ai lam chye lu ai.

Myen Hpyen Dap, Tat Ma Masat (88) na hpyen hpung ni hku nna Ga Ra Yang, Sam Pai, Awng Ja Yang hkan na, Mung mare masha ni hpyen yen tawn kau da ai Jak Rung Jak Rai hte kaga arung arai hpan hkum hpe mung, KIA ni a arung rai ni ngu ga baw shatut nhtawm Modo, leng (3) ni hte Myitkyina de htaw sa kahkrang nga ai, Cycle shabyak pyi n ngam, Mung mare masha ni a arung arai ni hpe kam ai hku lagu htaw la mat wa sai lam chye lu ai.

• < Prev
• Next >