KIA Masat (4,5) Dap Ba Ginra Hta Gasat Poi Byin.
- Category: Shiga
- Published on Saturday, 11 February 2012 13:57
- Written by KNET
- Hits: 763
2012 ning February (11) ya shani hkying (9:00)am aten hta KIA Masat (5) Dap Ba ginra, Gang Dau yang kawn Lahkra Yang maga hku Dum Bang Bum Myen Hpyen Dap de lu sha, sa na matu lai lung wa ai Hk.M.Y Masat (390) na hpyen hpung n gun (60) daram hte KIA maga de na Du Kum Mai woi awn ai hpyen hpung ni gasat poi byin ai lam chye lu ai.
KIA Masat (4) Dap Ba ginra, Mung Htam hte Man Sawn lapran kaw February (11) shani hkying (11:30)am aten kawn hkying (12:00)am aten laman, Myen Hpyen Dap, Hk.L.Y Masat (242) na hpyen hpung ni hte KIA Masat (2) Dap Dung na Du Jum Naw Grawng woi awn ai hpyen hpung ni gasat poi byin ai hta Myen Hpyen Dap maga de na marai (1) hkrat sum ai lam chye lu ai.
