KIA Masat (4,5) Dap Ba Ginra Hta Gasat Poi Matut Manoi Byin Nga.
- Category: Shiga
- Published on Monday, 20 February 2012 05:00
- Written by KNET
- Hits: 687
2012 ning February (19) ya shani hkying (10:00)am aten, KIA Masat (5) Dap Ba ginra, Da Sai Lup Wa Kawng kaw, Myen Hpyen Dap Hk.L.Y Masat (142, 388) pawng hpawm hpyen hpung n-gun (60) daram lu sha laknak sa sa ai ni hte KIA Masat (5) Dap Ba na hpyen hpung ni gasat poi byin ai lam chye lu ai.
KIA Masat (5) Dap Ba ginra, Mung Mu hte Da Sai lapran na Nai Kadung Sun kaw February (19) ya shani hkying (12:10)pm aten kawn shana maga hkying (5:30)pm aten daram du hkra Myen Hpyen Dap, Hk.L.Y (142,388) na hpyen hpung ni hte KIA Masat (5) Dap Ba na hpyen hpung ni gasat poi byin ai hta Myen Hpyen Dap, maga de na marai (5) si hkala ai lam chye lu ai.
February (19) ya jahpawt hkying (2:00)am aten daram hta Da Sai Mare N-Nan Kawng Langu Sun lawu kaw, KIA Masat (5) Dap Ba na hpyen hpung ni hte Hpyen Hpyen Dap, Hk.L.Y Masat (142,388) na pawng hpawm hpyen hpung ni gasat poi matut byin ai lam chye lu ai.
KIA Masat (4) Dap Ba ginra, Na Hka makau kaw, February (19) ya shani KIA Masat (34) Dap Dung na hpyen hpung ni hte Myen Hpyen Dap Hk.M.Y Masat (567) na hpyen hpung ni gasat poi byin ai hta KIA Hpyen Dap maga de na marai (2) si hkala ai lam chye lu ai.
