Ninghtoi 8-6-2011 ya shani KIA Dapba (3) Dap Dung (15) a shawnglam post rai nga ai Sanggang hpyen dap de lai shang wa ai Myen Asuya hpyen dap
Hk.M.Y(437) kaw na
(1) Captain Myat Ko Ko
(2) Lt. Ko Ko Win
(3) Ye Nai ( balik) ni hpe san jep na matu gan jahkring da ai.
M.P.Hk hpyen dap kaw nna dai masha ni hpe dai na jang lawan dat ya na matu (8-6-2011) ya shana (09:00)pm ten hta Myitkyina Dat Kasa rung de shana ai.
KIO Ginjaw kaw nna htang shana ai hta, KIO a magam gun ni hpe Asuya hpyen dap ni rim da ai grai law ai, dai ni hpe dat ya marit, anhte mung nanhte a magam gun ni hpe dat ya na re ngu tsun shana wa sai.
Dai zawn tsun jahkrup ai ten hta M.P.Hk wdkif;rSL; gaw hpyen n-gun kahkyin nna
KIA Dap Dung (15) hpe htim gasat na hkyen nga sai, (8-6-2011) ya shana
(12:00)Pm. hta Nmawk kaw nna hpyen hpung ni Sanggang mare de rawt pru wa
sai. (9-6-2011) ya jahpawt (3:30) Am. ten hta Hk.M.Y(437) hte Hk.M.Y (348) dap ni Sanggang mare de du sai.
(9-6-2011) ya jahpawt (5:00)Am. ten e KIO a Sanggang Kyithkai Rung hpe sinat gap bun nna wang shinggrup ai majaw KIA hpyenla Lat Gyi Gawmo Chang Ying rim hkrum sai.
(7:00)Am. ten hta Myen Asuya dap kaw nna Sanggang mare makau na Bumsen e nga ai KIA hpyen dap hpe htim gasat hpang nna KIA hpyen dap gaw tinang hpyen dap shara makawp maga ai hku nna bai ninghkap gap hpang sai (10:45)Am. ten du hkra wa htim gasat ai.
Myen Asuya hpyen dap ni gasat poi shang ai hpyen dap ni gaw-
(1)Ninghtoi 9-6-2011 ya shani shang lawm ai.
(i) cr&(437)
(ii) cr&(348)
KIA Dap Dung (15) nga ai Bumsen Post de htim gasat wa ai hta M.P.Hk kaw nna dan tawk matsun ai lam hpe mu lu ai hta;
(1) RPG Lau (5) hpe shingte shara (target) langai kaw sha dumbru gap na lam.
(2) Bumsen de KIA hpyen la ni hpyen garum sa wa na lam de (60)mm Motor
hte gap shingdang na lam.
( Ndai hpe yu yang tai dap dung ni hkrai sha galaw ai n rai M.P.Hk kawn dan tawk matsun ai lam, mi kaw nna masing nga ai hpe mu lu ai.
(8:00) ten hta M.P.Hk wdkif;rSL; gaw ya byin nga ai manghkang hpe shawng shazim nna rim da ai masha hpe galai nna kaga ra ai hpe oHwrefladat hte galaw na lam tsun ai.
KIA hpyen la hpe ninghtang ap ya na re ai lam matsun lawm sai. KIO gaw, dai hte seng ai lam hpe hkam daga tai lu na laika ka ya na hpyi ai shaloi, M.P.Hk gaw ka jaw n mai ai lam htang shana sai.
(9:30) ten hta M.P.Hk kaw nna tsun ai hta shanhte a hpyen la yan hpe ]]rJhwaygufrpGef;apeJUtxufunGefMum;csuf }} re nga nna kahtap shana ai.
Shawng lam gasat poi sawng wa sai hte (10:30)Am. hta M.P.Hk kaw nna shana ai lam gaw Ceasefire hpe (11:45) ten galaw ga, rim da ai masha hpe galai ap hkat na.
Shawng e rim da ai KIO masha ni hpe mung lawan dik ai hku ap ya lu hkra galaw ya na. Ya shawng lam e tawn da ai hpyen hpung yawng hpe mung bai dawm la kau na oHwref ladat hte hparan ga ngu nna shana wa ai hpe KIO Ginjaw gaw M.P.Hk wdkif;rSL; a ga hpe manu tawn ai hku nna hkap la sai.
(11:45) ten hta KIO maga gap ai jahkring sai. Myen Asuya dap ni (12:30) ten hta she gap ai jahkring ai. Myen Asuya dap ni madung lang ai laknak gaw RPG,
(60)mm motor laknak kaba ni re.
(14:00) ten hta M.P.Hk kaw nna kahtap shana ai hta rim hkrum ai KIA hpyen la
gaw majan kaw pala hkra, sai htaw law nna si sai lam shana ai.
KIA hpyen la hpe rim la ai ten majan garai n byin ai, Sanggang mare kata kaw
mung majan n byin ai.
(5:30) ten hta KIA hpyen la a sinat hpe Myen Asuya dap ni KIA hpyen dap de ap ya sai. Mang n lawm ai.
(6:34) ten hta KIA kaw nna rim da ai Asuya hpyen du (2) hte Balik (1) hpe atsawm sa ap ya sai.
Masha ap ya kau ngut ai hte Hka wan jak galaw shara de AsL[mrSL;- AdkvfrSL;BuD;atmifwdk; hte hpyen hpung gaw hpyen n-gun (30) daram hte (9-6-2011) ya shana Wan jak kaw yup nna (10-6-2011) ya jahpawt bai ninghtang wa na matu tsun jahkrup ai majaw shang na matu myit hkrum shalai bang dat ai lam nga sai.
Raitim shanhte tsun ai hte maren bai nhtang pru wa ai lam n nga ai sha nga nan taw nga sai.
(10-6-2011) ya jahpawt KIA hpyen la a mang hpe sa hta la makoi mayang kau ra ai re majaw M.P.Hk wdkif;rSL; tsun ai ga hte maren, Asuya hpyen la ni galoi ninghtang wa na lam KIO kaw nna san jahkrup ai galaw sai.
M.P.Hk kaw nna htang shana ai gaw shanhte a hpyen hpung ni ninghtang wa na
lam n nga ai. Dai kaw naw nga na re ngu nna tsun wa ai. Shawng shani wdkif;rSL;
tsun ai ga hte n bung mat sai.
Dai re ai majaw KIA hpyen la a mang hpe sa hta lup na matu mare masha ni hpe lit jaw sai. Dai shaloi mang n madun ai, makoi da ai.
Dai majaw KIO Ginjaw kaw nna M.P.Hk de mang ap jaw na matu lang hte lang
tsun hpyi ai majaw 10-6-2011 ya shani (2:55)pm ten hta Lat Gyi Gawmo Chang
Ying a mang hpe hkap la lu sai.
Lat Gyi Gawmo Chang Ying a mang hpe yu jep yu ai shaloi, adup zingri ai lam,nhtu nhkyi hte galun ai lam, la hkra lata hpe Baynet hte galun kau ai lam, si mat ai hpang kan kaw sinat hte (3) lang gap bang ai lam jep mu lu ai. Dai ningma kaw sai n pru ai, pala hkang (3) shara mi kaw sha majaw taw nga ai. ( sumla hpe kapyawn shalawm da ai)
Sanggang mare masha ni tsun pru ai gaw; Lat Gyi Gawmo Chang Yin hpe gap hkat ngut ai shaloi adup zingri sat kau ai re lam chye lu ai.
(11-6-2011) ya jahpawt 8:00 ten hta M.P.Hk kaw nna shana wa ai gaw, Bumsen
kaw nga ai KIA hpyen dap hpe 12:00 ten jahtum tawn nna dawm ya na matu tsun ai.
Dai Bumsen kaw KIA hpy en dap shara jahkrat da ai gaw simsa lam garai n la ai, 1994 ning a shawng daw kaw nna nga ai shara re. Dai hpyen dap nga ai majaw, Hka Wanjak a matu dingbai dingna n nga ai. KIA hpyen dap nga ai makau e she Hka Wanjak galaw ai, Asuya hpyen dap ni shimlam tawn hpang wa ai re. Dai majaw, KIA hpyen dap yen kau na n mai byin ai lam htang shana sai.
(11-6-2011) 3:30 ten kaw nna Asuya hpyen dap gaw sinat kaba hte shawng gap
nna majan byin hpang sai. Dai shani gaw laknak kaba matut manoi gap ai, shana
(10:00)Pm aten daram du hkra re. Hpang shani mung matut manoi gap taw nga sai. Motor (60mm), (81 mm) ni lawm ai.
N’htoi 11-6-2011 ya shani shang lawm ai tai dap ni:
(1) Ts.K.Hk (21) n-pu na dap dung ni
(i) cv&(237)
(ii) cr&(320)
(iii) cr&(348)
(iv) cr&(387)
Ts.K.Hk (21) n-pu na dap ni dan tawk shang lawm ai gaw uuMunf; a masing nan re majaw rai nga ai. ( puc? wyfr ni hpe gaw uuMunf; kaw nna dan tawk matsun ai, M.P.Hk kawn dan tawk n mai matsun ai ).
(2) Shingnan Dap ni ( M.P.Hk n-pu na)
(i) cv& (236)
(ii) cv& (74)
(iii) cv& (21)
(iv) cv& (105)
(v) cr& (321)
(3) N’htoi 12-6-2011 ya shani bai du jat ai.\
(i) cv& (141)Column (1)
(ii) cv& (142)Column (2)
(iii) cv& (37) yawng
Myitkyina e nga ai KIO a magam gun masha ni Myen Asuya hpyen dap a lata e
rim la n hkrum hkra 12-6-2011 ya shani tinang Ginjaw shara de yawng dawm la
kau sai.
Asuya hpyen dap ni hpyen n-gun grau law hkra jat bang wa ai. Lawu mung na
hpyen la ni hpe Myitkyina du hkra htaw lung wa ai, Sanghpaw hte Manmaw mare de htaw shadu da ai. (120)mm, (105)mm laknak kaba ni htaw shadu da ai. KIO Ginjaw shara makau ni hta Asuya dap ni n-gun kahtap da nna, laknak kaba hte shading da ai lam galaw ai.
Ninghtoi 13-6-2011 ya shani 12:00 ten hta jahtum tawn nna Asuya dap ni majan
gasat ai lam, majan a matu hpyen n-gun jat ai lam n jahkring kau ai rai yang, KIO htu nna mung ginra shara shagu dam lada ai hku ninghkap majan galaw sana re ai lam Myen Asuya de shana ai lam galaw sai.
Asuya dap kaw nna KIO tsun shana ai hpe hkap la ai lam n nga ai, htang shana ai lam n nga ai re majaw, KIO Ginjaw gaw KIA hpyen dap shagu de ninghkap majan hkyen lajang na matu matsun sai.
L/G Gaw Maw Chang Ying a moi mang
KIO kawn dat ya ai Myen Hpyen ni
Myen Dap ni a lu zing la ai rai ni.