Hpyen yen marai (4000) daram hpe Myen Hpyen Dap ni lam kaw hkum pat da

Myen Hpyen Dap ni kawn KIA Masat(14) Dap Dung ginra de Hpyen nbungli hte bom wa jahkrat bun ai majaw hprawng yen wa ai Mung shawa marai (4000)daram hpe Myen Hpyen Dap ni Samark mare kaw hkap jahkring da ai lam buga masha langai shana wa ai kaw na chye lu ai.

Hprawng yen wa ai Mung shawa ni hpe lam ntsa kaw pat hkum da ai majaw malu masha mung nlu, jam jau hkrum  nga ai re. Dai hpyen yen Mung masha ni pru wa lu na matu KBC hpyen yen lakawn lanawn hte  PCG hpe gindun nna galaw sa wa na re lam chye lu ai.

Myen hpyen Dap ni hku nna gaw hpyen yen Mung shawa ni hpe Danai mare kaw na Deng (6) Daram tsan ai Tawang Hka du hkra jak li hte  wa sa  na re hte dai shara kaw na Danai mare du hkra lam hkawm wa shangun na matu hkyen nga ma ai  re. Myen Hpyen Dap ni gaw shanhte Dap shara jahkrat nga ai shara de makau grup yin hkan  lai wa lai sa cycle ni n mai jawn nna yi su hkau na galaw sha  ai Mung shawa ni hpe mung laja lana jep san ai lam ni galo ai majaw hkawm sa hkawm wa pyi yak hkak jam jau nga ai lam chye lu ai

 

 

Leave a Reply

Your email address will not be published. Required fields are marked *