KIA hpyen hpung ni hte Myen hpyen hpung ni gasat gala matut manoi byin

KIA Masat (2) Dap Ba, Masat (14) Dap Dung ginra de Myen hpyen hpung ni matut manoi naw htu shadut htim gasat nga ai majaw gasat gala majan dingyang naw byin nga ai re, January (31) ya jahpawt hkying (7:20)Am daram kawn Jam Bu Bum mayan kaw du nga ai Myen hpyen hpung ni hpe KIA hpyen hpung ni hkap shingla gasat dat ai kawn gasat gala byin ai lam shawng lam shi sawk ni kaw na chye lu ai.

January (30) ya shani hkying (11:30)Am daram hta mung Chyasam Hka hpyen man maga hku htu shadut shang wa ai Myen hpyen hpung ni hte KIA hpyen hpung ni gasat gala byin nhtawm Chanta Kung (ခ်မ္းသာကုန္း), Dawi Post maga htim gasat shang wa ai Myen hpyen hpung ni hte mung jahpawt hkying (9:00)Am kaw nna shana daw hkying (2:00)Pm daram du hkra gasat gala majan byin ai lam na chye lu ai.

KIA Masat (4) Dap Ba, Masat (8) Dap Dung ginra Nam Hu mare makau hku shamu shamawt hkawm ai Myen hpyen dap Hk.L.Y (45, 241) Dap na pawnghpawm hpyen hpung ni hte KIA hpyen hpung ni January (30) ya shani hkying (1:30)Pm daram hta gasat gala byin ai re, gasat gala byin ai shara ni hta Myen Hpyen Dap ni kawn laknak kaba matut manoi gap sharu bun ai lam shawng lam shi sawk ni shana wa ai.

Leave a Reply

Your email address will not be published. Required fields are marked *