KIA Masat (1) Dap Ba hte Masat (2) Dap Ba ginra kata gasat gala matut byin nga

KIA Masat (1) Dap Ba, Masat (7) Dap Dung grinra, Tayang Zup maga kawn htu shadut lung wa ai Myen hpyen hpung ni hpe March (5)ya shani ka-ang daram hta KIA hpyen hpung ni Kawa Pang hte Htingbai lapran kaw shingla gasat dat ai kaw na gasat gala byin ai lam shawng lam shisawk ni shana wa ai kaw na chye lu ai. Sumpra Bum–Myikyina modo lam, Nam Hkam mare makau na KIA shawng lam post hpe mung March (5) ya shani Myen hpyen hpung ni laknak kaba shani tup ai hpe chye lu ai.

KIA Masat (2) Dap Ba, Masat (14) Dap Dung ginra, KIA hpyen hpung ni nga ai Awng Ba Pat Maw ntsa kawng maga de March (5) ya shani hkying (11:15)Am daram kawn Myen Hpyen hpung ni hpyen n-gun kaba hte htim gasat wa ai majaw laja lana gasat gala byin ai re. Ding Hkun Hka mahkrai mayan  KIA hpyen hpung ni nga shara de Myen hpyen hpung ni Tsan Lun Maw maga kaw na shamu shamawt lung wa ai majaw hkying (11:40)Am daram hta gasat gala byin nna shana daw hkying (6:00)Pm daram hta mung numdaw kalang bai gasat gala byin ai re. Gasat gala byin ai ten Tsan Lun mare kaw nga ai Myen hpyen hpung ni laknak kaba (10) jan lang gap bun ai hta  Nam Hkam mare hpaji jawng kaw laknak kaba si (2) wa hkrat nna Ding Hkun Hka mahkrai mayan kaw  March (6) ya jahpawt hkying (9:15)Am kawn gasat gala matut manoi byin nga ai hpe chye lu ai.

Chyakyi Ju Kawng mayan KIA hpyen hpung ni nga ai shara de mung March (5) ya shani hkying  (11:30)AM daram hta Myen Hpyen hpung ni shamu shamawt lung wa ai majaw gasat gala byin ai rai nna hkying (2:30)Pm daram hta KIA hpyen hpung ni ginra gawan hkawm yang Lapu Hka maga kawn shamu shamawt lung wa ai Myen hpyen hpung ni hte ang katut gasat gala byin ai lam na chye lu ai.

Leave a Reply

Your email address will not be published.