Pa Jau Hka Wan Jak hpe du wa na July shata kaw nna jai lang hpang sana

Myitkyina, Waimaw hte Jarit mayan kaw nga ai Mung shawa ni Myihprap Wan hpe ra ai kaw ndut ndang jai lang lu na matu yaw shada let gawgap nga ai Pa Jau Hka myihprap wan masing gaw Tsa htam shadang 95 du hkra ngut kre sai lam Wan Jak gawgap masing a Director magam lit gun hpai nga ai Salang Kareng La Tawng March (6) ya shani tsun ai.

Ndai hka wan hpe Mung shawa ni jai lang lu na matu lai wa sai 2017 ning June shata kaw na, Wan Dat chyam ai lam hpe galaw nga ai rai nna, du wa na June, July shata kaw nna gaw Mung shawa ni de shadu sa wa na relam Salang wa tsun ai.

Myitkyina hte Waimaw mare kaw Mali hka myihprap wan n-gun 10.5 MW hte shabra jaw nga ai re hta, Wan jai  lang ai shadang gaw 14MW de du jat wa ai majaw, ndai  Pa Jau wan n-gun hpe ya jaw nga ai Mali wan n-gun hta jahpring nna wan jaw shabra ai lam hpe galaw sa wa na re hpe chye lu ai.

Wan Jak hte Myikyina Waimaw lapran gaw majan nhpan ginra re majaw wan dat lu na matu wan sumri shalai ai lam hte wan lam gram sharai la ra ai lam ni galaw shajin ra ai lam hta yakhkak ai lam ni naw nga nga ai re hpe mung chye lu ai.

Leave a Reply

Your email address will not be published.