(44) Ning Hpring LawngWaw Laili Laika Hte (14) Lang Na LauWaw Htunghkying Ginjaw Ra Lata Poi Lamang Galaw

(44) ning hpring Lauwaw laili laika hte Htunghkring Ginjaw ra lata poi lamang hpe Waimaw Lauwaw laili laika hte htunghkring wang kaw March (29) kaw nna (31) ya du hkra galaw ai re hpe na chye lu ai.

March (29) ya shani hta gaw Lauwaw amyu sha ni mara raw wunli la kyuhpyi hpawng lamang galaw ai rai nna, (30) ya shani hta gaw Lauwaw laika lu ai (44) ninghpring chyeju shakawn lamang galaw ai re, March (31) ya shani hta gaw Lauwaw Htunghkying hpung ningbaw nnan bai lata san na re hpe chye lu ai.

Ndai poi hta Lauwaw Htunghkying manau nau ai lam, Ginsup shingjawng ai lam ni, Tsawm shayi shingjawng ai lamang ni hpe mung galaw ai re hte buga ginra shara shagu na Lauwaw amyu sha marai (3000) daram sa du shang lawm ai lam shabyin shatai komiti kaw na chye lu ai.

Lauwaw amyu sha ni Gara nawku hpung kaw nga ai raitim amyu sha lam hta langai sha rai na hte  myit hkrum mang rum let amyu sha magam lit hpe ta gindun galaw gunhpai sa wa na matu ngu yaw shada let ndai poi lamang hpe galaw ai re lam Sr. Lukzing Lum Dau tsun ai hpe chye lu ai.

Leave a Reply

Your email address will not be published. Required fields are marked *