Mung Mare Masha Ni A Arung Arai Dusat Yamnga Ni Hpe Myen Hpyen Hpung Ni Mya La Kau Ya

KIA Masat (27) Dap Dung ginra Ulang Pa Ginwang daw,  Gashawt maga hku malu masha wa sa ai Myen hpyen hpung ni gaw April (6) ya shani hta Wa Lu Pa mare na Slg. Marip Naw a Mam Htu Jak (1), Cycle (2), Slg. Marip La a Mam Htu Jak (1), Slg. Hpauna La a Mam Htu jak (1), Jan. Lasi Hkawn a Wa (2), Slg. Lasi La a Wa (1) hte Wa Lu Pa mare KBC Nawku Jawng na dung lahkum, hpun nba, di hkawan ni hpe htaw la mat wa ai lam na chye lu ai.

Myen hpyen hpung ni gaw Majan a majaw Mung mare masha ni gan tawn kau da ai arung arai dusat yamnga ni hpe kam mara mya la kau ya ai lam galaw ai sha n-ga Buga masha ni hpe mung jahkring shama let gumhpraw hpyi shagyeng ai lam mung nga ai re, lai wa sai April (6) ya shani hta mung Mung Hkawng mare lawk (4) kaw shanu nga ai Slg. Labang La hte Jan Labya Ji Tawng yan a nta kaw shawng lam kawn dawm wa ai Myen hpyenla marai (7) sa wa nna gumhpraw Kyats. (500,000) sa hpyi jahkrit shama manghkang tam ai majaw Jan. Labya Ji Tawng kawn gumhpraw Ks. (200,000) jaw kau dat ai re hpe buga masha ni shana wa ai.

Leave a Reply

Your email address will not be published. Required fields are marked *