Mai Ja Yang Amyu Hkawlik jawng ma ni hkaja hkrun lam hkawm

Daining na Mai Ja Yang Amyusha Hkawlik Jawngma ni a pruhkawm hkaja lamang hpe KIO Uphkang Ginra kata na magam dap ni hte Hpyen koi yen Dabang shara ni de wa du gawan hkaja ai lam galaw lu sai lam chye lu ai.

Pru Hkawm hkaja ai jawngma ni gaw Political Science 2nd year jawngma ni rai nna KIO Asuya a mungmasa woi awn nga ai lam ni hpe chye lu na matu wa du hkaja ma ai re lam  chye lu ai.

Hkaja hkrunlam hta Woichyai hpyen yen, Jeyang Hpyen yen, Hpunglum yang hpyen yen dabang ni hte Dabang na kanu kawa ni rau  hkrum shaga nna, Amyu sha hkawlik jawng a hpaji masing ni hpe tsun sanglang ai lam galaw nhtawm Ka manawt shangwi shapyaw ai lamang ni galaw la lu sai lam  Hkaja hkrunlam woi awn ai Saranum Lanem Ja Ram tsun ai.

Ndai hkrunlam hta Alen Bum jawng kaw galaw ai GJHR ramma sharin hpawng kaw mung wa du shanglawm ai lam nga ai.

April (21)ya shani kaw nna April (26) ya shani du hkra pru hkawm hkaja ai ndai hkrunlam gaw Jawng a No.2 lang ngu na pru hkawm hkaja ai lamang rai nhtawm Lai wa sai 2016 ning hta mung Thai Mungdan Ching Mai de pru hkawm hkaja ai lam nga lai sai re hpe chye lu ai,.Maija yang amyu sha hkawlik hpe lai wa sai 2016 ning kaw nna hpaw hpang dat ai re hte  ya aten jawng ma marai 300 daram hpaji hkaja nga ai lam shi sawk aroi seng tang madun da ai.

 

Leave a Reply

Your email address will not be published. Required fields are marked *