Mung Lai Hkyet Nawku Jawng Htingshawn Galaw

Woichyai hpyen yen Dabang lawk (6) Munglai Lai Hkyet hpyen yen dabang kaw gawgap la lu sai Nawku Jawng htingshawn chyeju shakawn akyuhpyi hpawng hpe July (14) ya shani Makam Masham Hpung shagu na hpung woi Sara ni, Mare Uphkang Salang ni hte Buga masha ni shang lawm ai hte angwi apyaw galaw la lu sai hpe chye lu ai.

Nawku jawng hpe Woichyai hpyen yen Hkalup Nawku Hpung kaw nna lit la woi awn nhtawm makau grupyin Buga hpung ni, Mare Uphkang Salangni hte Woichyai hpyen yen dabang shawa ni jaw bang ai alu ja gumhpraw, n-gun atsam hte gawgap la lu ai re nga nna Nawku Jawng Gawgap Komiti tsun ai kaw na chye lu ai.

Mung Lai Hkyet dabang lawk hta shanu nga ai hpung masha ni wenyi lam hta grau na su hprang ai hte tinang dabang kata kaw nan Karai Kasang hpe nawku dawjau lu na matu yaw shada nna Ndai nawku nta hpe gawgap ai re lam Woichyai hpyenyen hkalup nawku hpung woi Sara Rev Jangmaw Tang Ji tsun ai.

Mung Lai hkyet hpyen yen dabang gaw lai wa sai 2015 shaning kaw nna Woichyai hpyen yen dabang kata nga ai mung shawa ni wa garan nga ai dabang lawk rai nna ya aten masha marai (700) jan shanu machyu nga ai re hpe mung chye lu ai.

Leave a Reply

Your email address will not be published. Required fields are marked *