Hpakant Lunghkang Mare Kaw Wan Hkru

Hpakant lunghkang mare lawk 2 kaw December 19 ya shani hkying 9:00 Pm aten daram hta n myit mada ai sha wan hkru wa ai majaw na nta masum wan hkru lawm mat ai lam chye lu ai.

Wan hkru hpang wa ai gaw Daw Nan Yi, Ma Aye nta kaw jawngma ni laika hti ai wan shadaw kaw na hkru wa ai re lam, wan hkru lawm mat ai nta ni gaw wutdek nta langai, hpun pyen nta htap lahkawng  re nta langai hte htap mi re nta langai  hkru mat ai re. Masha hkala nba gaw n nga ai rai tim arung arai n kau mi hkru lawm mat ai lam SaraTang Gun   tsun ai.

Ndai Wan hpyen hpe shana yup tup hkying  (12) aten hta wan sat madaw manga hte wan lu sat shazim kau ai re. Wan hkru hpang wa ai nta madu ni hpe wan sadi maja ai lam n nga  ai majaw wan sat rung kaw nna tara upadi hte maren tara jawat da ai lam nga ai Hpakant Myo kata hta dai ning laman ya na zawn n myit mada ai wan hkru manghkang (10) jan lang byin lai wa sai re hpe mung chye lu ai.

Leave a Reply

Your email address will not be published. Required fields are marked *